१. रिकाम्या कंसातील योग्य पर्याय लिहा.
अ ) शिवरायांचा जन्म ……….. किल्ल्यावर झाला.
( पुरंदर, शिवनेरी, पन्हाळा )
उत्तर- शिवरायांचा जन्म शिवनेरी किल्ल्यावर झाला.
आ) आदिलशाहाने शहाजीराजांची ………… प्रदेश जिंकण्याच्या कामावर नेमणूक केली.
( कर्नाटकातील, खानदेशातील, कोकणातील )
उत्तर- आदिलशाहाने शहाजीराजांची कर्नाटकातील प्रदेश जिंकण्याच्या कामावर नेमणूक केली.
२. प्रत्येकी एका वाक्यात उत्तरे लिहा.
अ ) जिजामातेच्या उपदेशाने शिवरायांच्या मनात कोणते विचार घोळू लागले ?
जिजामातेच्या उपदेशाने शिवरायांच्या मनात आपणही मोठे झाल्यावर शूर पुरुषासारखे पराक्रम करावे, असे विचार घोळू लागले.
आ ) शिवराय मावळ्यांच्या मुलांबरोबर कोणते खेळ खेळत असत ?
शिवराय मावळ्यांच्या मुलांबरोबर लपंडाव , चेंडू , भोवरा हे खेळ खेळत असत.
इ ) शहाजीराजांनी निजामशाहीचा त्याग का केला ?
निजामशाहाच्या चिथावणीने लखुजीराव जाधवांची भर दरबारात हत्या करण्यात आली, म्हणून शहाजीराजांनी निजामशाहीचा त्याग केला.
३. दोन-तीन वाक्यात उत्तरे लिहा.
अ ) जिजाबाई शिवरायांना कोणाकोणाच्या गोष्टी सांगत ?
जिजाबाई शिवरायांना रामाच्या, कृष्णाच्या, भीमाच्या व अभिमन्यूच्या गोष्टी सांगत. महाराष्ट्रातील थोर साधुसंतांच्या चरित्रांतील गोष्टी सांगतअसत. अनेक शूर पराक्रमी पुरुषांच्या गोष्टी सांगत असत.
आ ) शहाजीराजांनी निजामशाहाच्या वंशातील मुलाला निजामशाहा म्हणून जाहीर का केले ?
वजीर फत्तेखानने निजामशाहाचीच हत्या केली त्यामुळे त्याचे बक्षीस म्हणून मुघल बादशाहाने फत्तेखानास शहाजीराजांच्या ताब्यात असणारा मुलूख परस्पर देऊन टाकला. फत्तेखानास व मुघल बादशाहास शह देण्यासाठी शहाजीराजांनी निजामशाहाच्या वंशातील मुलाला निजामशाहा म्हणून जाहीर केले.